نئی دہلی، 4جولائی(ایس او نیوز؍آئی این ایس انڈیا)سی پی آئی نے بغداد اور ڈھاکہ دہشت گرد انہ حملے کی مذمت کرتے ہوئے کہا کہ شدت پسندی کے دنیا میں اضافہ حکومتوں کی غلط پالیسیوں کی وجہ سے ہے جس نے ایک گروپ کو دوسرے کے خلاف کھڑا کر دیا ہے۔لیفٹ نے یہ بھی دعوی کیا کہ تمام دہشت گرد تنظیم امریکہ کی طرف سے بنائے گئے فوبیا کے براہ راست یا بالواسطہ نتیجہ ہیں۔ پارٹی نے ایک بیان میں کہا کہ دنیا بھر میں تمام طرح کے بنیاد پرستی میں اضافے سے شک نہیں رہ گیا ہے کہ یہ حکومتوں کی غلط پالیسیوں کا نتیجہ ہے جس نے ایک گروپ کو دوسرے گروپ کے خلاف کھڑا کر دیا ہے۔بیان میں کہا گیا کہ یہ بھی یاد رکھا جانا چاہئے کہ تمام دہشت گرد تنظیم براہ راست یا بالواسطہ طور پر امریکہ کی طرف سے بنائے گئے دہشت گردانہ خوف کے نتیجے ہیں۔عراق کے دارالحکومت بغداد میں اب تک کے سب سے شدید حملے میں کل ایک کار بم دھماکے میں کم از کم 200افراد ہلاک ہو گئے،حملے کی ذمہ داری اسلامی اسٹیٹ گروپ نے لی ہے۔